Mirlind Daku është duke u hetuar nga UEFA për pretendimet se mori altoparlantin dhe përdori fjalë fyese ndaj serbëve dhe maqedonasve pas ndeshjes së Shqipërisë me Kroacisë.
Sulmuesi aktualisht luan për Rubin Kazanin në kampionatin e Rusisë dhe nga ky klub kanë reaguar për veprimin e Dakut
Rubin Kazani ka njoftuar përmes faqes zyrtare që ndaj Daku do të zbatohen sanksione disiplinore dhe financiare.
“Sulmuesi Mirlind Daku i lejoi vetes thirrje fyese pas ndeshjes mes Shqipërisë dhe Kroacisë. Klubi ynë merr përgjegjësinë për atë që ndodhi. Rubini përfaqëson një ekip shumëkombësh dhe i përmbahet gjithnjë parimeve të respektit dhe barazisë, duke dënuar kategorikisht çdo formë diskriminimi dhe fyerje në baza kombëtare, fetare apo racore”.