Një stuhi në brigjet e SHBA-së veri-perëndimore dhe Kanadasë perëndimore po godet rajonin, duke sjellë erëra të forta, përmbytje dhe borë për mbi shtatë milionë banorë që jetojnë në shtetet përgjatë Oqeanit Paqësor.Sipas mediave të huaja, stuhia ka shkaktuar ndërprerje të shumta të energjisë elektrike për qindra mijëra amerikanë dhe erërat e forta të saj kanë rrëzuar disa pemë.
“Cikloni i bombës”, siç e quajnë sinoptikanët, është shkaktuar nga presioni i ajrit që bie shpejt në bregdet, gjë që ka reflektuar me shpejtësi te moti në zonë.Pasojat e stuhisë u panë të mërkurën në mëngjes, me pemët e rëna që dëmtuan shtëpitë dhe bllokuan rrugët në shtetin Uashington.
Një grua vdiq kur një pemë ra në një kamp të pastrehëve në Lynwood, në veri të Seattle, Uashington, sipas një postimi në mediat sociale nga Departamenti i Zjarrfikësve të Qarkut Jugor.