Arrestohet një grua në Drenas

Policia e Kosovës ka arrestuar një grua në Drenas pasi që ajo dyshohet se është përfshirë në një rrahje.

Rasti ka ndodhur të dielën në orën 13 e 40 minuta, ndërsa policia menjëherë i është përgjigjur thirrjes.

“Pas një mosmarrëveshje midis disa personash është arrestuar e dyshuara femër kosovare, ku pas intervistimit me vendim të prokurorit kujdestar, e dyshuara është dërguar në mbajtje”, thuhet në njoftimin e policisë.

Me rastin po merret policia në Drenas ndërsa me urdhër të prokurorit e arrestuara do të përgjigjet për veprën penale lëndim i lehtë trupor.