Instituti i Shëndetit Publik ka ndarë disa këshilla për qytetarët në këto ditë të nxehta që kanë përfshirë vendin. Të premten temperatura shënoi 41 gradë Celsius.
ISHP këshillon të shmanget ekspozimi e drejtpërdrejtë në diell, kur është më i fortë, zakonisht midis orës 11:00 deri 15:00, por edhe më gjatë në varësi të vendit ku jeni.
Rekomandohet qëndrimi në hije midis orëve me rrezatim ultraviolet (UV) më intensiv.
ISHP thekson se qytetarët duhet të veshin rroba që mbulojnë krahët dhe këmbët, të përdorin kapele me strehë të gjerë për të mbrojtur fytyrën dhe qafën, si dhe të përdorin syze dielli për të zvogëluar rrezikun e dëmtimit të syve.
Këshillohet gjithashtu të konsumohen sa më shumë lëngje, kryesisht ujë. Të evitohen pijet shumë të ftohta, ato me gaz, me shumë sheqer dhe aditivë të tjerë, si dhe të konsumohen vakte ushqimore të shpeshta, në sasi të vogla, të ftohta dhe me përbërës ushqimorë lehtësisht të tretshëm.
Ekspertët e ISHP-së këshillojnë gjithashtu të mos përdorni kurrë krem ??kundër diellit për të zgjatur ekspozimin tuaj në diell. Përdorni krem ??kundër diellit me faktor mbrojtës (SPF) të paktën 30, me filtra UVA dhe UVB. Mund ta përdoreni atë 30 minuta para ekspozimit në diell. Ripërdoreni kremin çdo 2 deri në 3 orë, pa harruar zonat e ndjeshme si buzët dhe veshët.
Këto rekomandimet e mësipërme janë të vlefshme dhe për fëmijët. “Sa më i ri të jesh, aq më i pambrojtur je. Foshnjat nën 6 muaj duhet të mbahen larg diellit. Nëse keni lëkurë shumë të zbehtë, flokë të kuqe ose fytyrë me pika, jeni më të ndjeshëm ndaj rrezeve të diellit”, thekson ISHP.